|
| |
ليل الشتاء
|
ياليل الشتاء ما طولك ياليل يامبطاك |
على اللي عيونه ما تبا النوم من تالي |
متى تنجلي ياليل والصبح فيه أفلاك |
أبا رمي السبب وأرجي السعادة من الوالي |
تغليت ياغالي وسيرة غلاك إغلاك |
على ما مضى تستاهل أغليك يا غالي |
أنا أغليك ياللي سيرة الحب ما تخفاك |
تعرف الهوى وتميز المر والحالي |
أنا أغليك ياللي ما تعشقت ذاك وذاك |
ولا صارلك بين العرب رد وإبدالي |
أنا أغليك ياللي كل ما هب لي طرياك |
لو إنك بعيد الدار دايم على بالي |
أجاهد هوى نفسي على رغبتك ورضاك |
ولا أطيع بك واشي ولاهرج عذالي |
عسى ربما يامن صنعك الولي وأنشاك |
تميز على شقح البني بأربع أشكالي |
تميز بعين وعنق ومبيسمٍ فتاك |
وعود يميل مع الهوى حيث ما مالي |
حبيبٍ لبيبٍ لعن أبو خاطرٍ ينساك |
لو إنك تغلى والغلى سامرٍ حالي |
حرام الوى ما تبع طريق الهوى لولاك |
ولا ألفت نظر عيني على كل الأزوالي |
دخيلك بجاه اللي على رغبته سواك |
لما أدعاك مثل سهيل بالماكر العالي |
على قيس ما كلفتني تشملن حسناك |
وأنا سامحٍ يازين باللي تورالي |
حمد المغيولي
|
|
|
| |
|
