|
| |
مليت من صبري
|
جاري انتظار الخط.. والدمع جاري |
ليتك ولو مره على رقمي ترد |
مليت من صبري وطول انتظاري |
وزودٍ على صبري تماديت فالصد |
والمشكله خابرك بالوضع داري |
بس الدلع والغطرسه مالها حد |
ما كنت اظنك تبتعد عن مساري |
تقول: ابرحل، قلت: بالله من جد |
قبل تروح ارجوك رد اعتباري |
كلمة حنان ولحظة احساس مع ود |
ولا ظن جرح القلب يبري وينسد |
دامك جرحته عقب ما كان باري |
والله إليبطي جرح والحيل منهد |
دخلت انا في عالمك باختياري |
عالمك عالم غير والقلب يشهد |
يا قرب وصفك من سراب الصحاري |
ومشاعرك مثل البحر جزرٍ ومد |
فاليوم يطري لك ثمانين طاري |
تزعل وترضى وترخي الحبل وتشد |
ان كان تبغي اليوم تسمع قراري |
قررت اعز النفس وانساك واسعد |
ارتاح من همي ونار انتظاري |
واحيا واموت ولاخضع راسي لحد |
ضيف الله بن حمدان الدلبحي
|
|
|
| |
|
