|
| |
لو قرينا من صحايف ما نبدل هالصحيفة
|
هذه مشاعري نحو جريدتي المفضلة (الجزيرة) أبعث بها إلى صفحتي الغالية عزيزتي الجزيرة وأقول فيها:
يالجزيره يالأميره يا عروسٍ بالجزيره |
يا صحيفه من قراها طاب كيفه طاب كيفه |
نجمةٍ ساطع ضياها ما تكدر من قراها |
لو قرينا من صحايف ما نبدل هالصحيفه |
كل أخبار السياسه والرياضه والدراسه |
والشعر والطب فيها ونقرا أخبارٍ طريفه |
ولك (عزيزتي الجزيره) صفحةٍ دايم مثيره |
أهتني بشوفك وأرحب أنتي لي مثل الوليفه |
والمقالات الجميله مثل زهر في خميله |
فاح ريح الزهر فايح ومن يشمّه ما يعيفه |
شفنا فيها كل حاجه من قرا صحصح مزاجه |
تغني القارئ وتعطي كل أخبارٍ لطيفه |
والشكر لك يا ابن مالك ربي جنّبه المهالك |
يا عسى سعيك وجهدك أجر وغاياتٍ شريفه |
وكل مسؤولٍ وعامل يا عسى للخير حاصل |
جهدكم فيه العزيمه ماهي أفعالٍ ضعيفه |
يالجزيره يالأميره أنتِ غيثٍ عم خيره |
يروي الخاطر ويسقي كبد عطشانه كليفه |
غزلان عبدالله
|
|
|
| |
|
