من صان هرجه تراه يصون مقداره

ويحشم مع الناس قاصيها ودانيها

الكلمة الطيّبة للود عمّاره

مودتك في صدور الخلق تبنيها

والكلمة الضايعة للناس نفّاره

ما فيه أحد يستلذ لقرب راعيها

ياراعي الهرج ليتك تازن عياره

وتحسب حساب السوالف قبل تبديها

لو شفت الاكرام شوّامه وستّاره

ماكل زلّة ليا مرّت تعديها

بعض الخطا لو تسامح تبقي آثاره

في داخل نفوسنا مهما نخفّيها

حتى لو يقدّم المخطي لنا أعذاره

غلطته لايمكن الأعذار تمحيها

لاطاح مبنى المعزّه وانهدم كاره

صعبٍ تعود المياه إلى مجاريها

** **

- خليل بن هدلان