لا تحسب إنّي جديد وتوني بادي

أدوّر اللّي بعقله نقص واتّبعه

جرّبت من كثر محداري ومسنادي

ذقت الوصل والجفاء والجوع والشبعه

أدخل مع الناس وأدري وين ميرادي

ودليي إحبالها ما هيب منجبعه

عرفت فوق ألف شخص أطيب من الكادي

ولا صفا منهم إلاّ سته أو سبعه!

فإلى تردّيت حدّرنا بك الوادي

ولا إنت بأول رفيقٍ بار في ربعه

أجفاك وأنساك وأقطع عرفك وعادي

لو إن صداقتك منقوشه ومنطبعه

الرجل يقطع يده لاحدّه الحادي

ما هيب خوّة رفيقٍ شاينٍ طبعه

** **

- محمد المقحم