يا طول ليل الرياض ويا ثقل دمًه

يومٍ قلبي فقد له واحدٍ غالي

من غاب عنًي ونفسي شايله همًه

إلين ضاقت من أسبابه سعة بالي

فيني من الحزن ما يصعب علي لمًه

وشلون ابفرح وانا ما اشوفه قبالي

يا حزني اللي تعبت ابوح في كمه

والله لو ما انت ما كانت كذا حالي

كلًي جروحٍ على آهات ملتمًه

وكل جرحٍ تعبه أقسى من التالي

ياللي تنادي بعالي الصوت من فمه

وش فيك قلبك غدا كنًه خلا خالي

باقول باكر يزول الهم والغمًه

والشمس تشرق على دنياي من عالي

يالله ياللي عليك العدل والهمًه

ترأف بحالي وحالة من هم أمثالي

وترد من هو خذاني الشوق من يمًه

الغالي اللي بقلبي دايمٍ غالي

** **

- تذكار الخثلان