«الجزيرة» - عبدالعزيز بن سعود المتعب:

الشعر الشعبي الوطني الجزل موثِّق الولاء والوفاء واللحمة الوطنية ووحدة الصف والكلمة، وهذا ما تجسّده القصيدة التالية تجاه مقام سيدي صاحب السمو الملكي الأمير محمد بن سلمان بن عبدالعزيز آل سعود -أطال الله عمره وأدام عزّه- ولي العهد رئيس مجلس الوزراء:

عن بعض الأمداح ودّك مايفيض الشعور

ولو عَدّها الجزل وأبدع عدّها زايله

إلاّ مقامٍ يزيد الشعر وزن وبحور

ويعز شأن القصيد ومنزلة قايله

إسمٍ تهافت على حبه عروش الصدور

شعب الجزيره بفعله روسهم طايله

له في عنان السماء مجد ودلايل حضور

على القمم والأمم تتليه وتخايله

سوّا وجاوز بشبره طايلين الشبور

فعله يعز البلاد ويعدل المايله

يوم إرتكى للثقال وقام قومة جسور

بيديه رؤيه وفي قلبه وطن شايله

بالعزم أدار الأمور ولا لحقه القصور

أبهر جميع الدول بفعوله الهايله

غيثٍ هما فالقلوب وجاء لوقعه نذور

شواهده بالمعزّه جوفها سايله

آمال شعبه غذاها همّةٍ ماتبور

حقّق لهم أمنيات بفكرهم جايله

وحمى الوطن محتميها والعدو امعثور

ما انكفّ لو العدا بسيوفها صايله

واليوم شعبه بعزّه والعدا في دبور

دوله تهاوت ودوله للسقوط آيله

حراً ربى في كنف سلمان صار امخبور

ما فيه صعبه تجي عن مقصده حايله

عسى محمد لنا يبقيه ربي دهور

أشعر بكل القلوب تأمن دعاي له