سلّم على طاري الفرقا.. إذا مرّك

وخذ عليه العهد.. لاجيته يسلّم

واليا عزمت الرحيل.. وقبل تتحرّك

الصمت ملح الكلام.. وإحذر اتعلّم

اللي نكر زادك وملحك.. ولا برّك

والله ما همّه انك رحت متكلّم

تدري وش اللي يميت الروح ويضرّك

لاصار خلّك ظلوم.. ودوم متظلّم

تعطيه عمرك.. وهو ما يقدر ايبرّك

تلقاه صافط لك الجحده.. ومتولّم

يذكّرك بالحزن.. من قبل ما يسرّك

يجرحك.. ويقول : شفني منك متألم

وان قال لك : ما أبي خيرك ولا شرّك

إقرأ عليه السلام.. وودّع وسلّم

** **

- د. محمد علي الحربي