ليلك امان وستر يادار الاسلام
وصبحك شعاعه نصر والحظ قايم
حطي سحاب الخير من فوقك حرام
وعلى هضاب طويق مثل العمايم
وحنا صبرنا لين ما عاد نلام
والصبر ما هو للحليمين دايم
اغضبتم ملوك العرب وانتم اقزام
وبعد الغضب هذا الجواب الملايم
نقص بسيوف الغضب روس وعظام
وناسم على وجيه الردى بالوسايم
من فعل منقيه لها البارق خطام
ذود السماء ماهي بذود الخرايم
طيارها مردد من جدود وعمام
من راس سلمان الحزم والعزايم
هذا غضبهم يجعل القايم حطام
ويفزع به النايم بليا قوايم
ذوقوا غضبهم يا مصدقت الأحلام
وعقب الهدير ارغوا سوات البهايم
هذا السعودي للوطن درع وحزام
ماشق صفه كل مرجف وهايم
** **
- هلال المطيري