يا خادم البيتين نقولك سم
نطيع له أمره عسى الله يديمه
إلي دعانا للوطن الكل يهتم
الشعب كله له مواقف عظيمه
إن قاله الله بالمعارك بتهزم
يالحوثي أبشر بالفشل والهزيمه
لاجل الوطن نرخص له الروح والدم
هذه عوايدنا وهذي قديمه
ماهمنا منهو علينا تهجم
نحارب الفساد وأهل الجريمه
تقوى على مسلم بريئين ومحرم
قاصد لبيت الله بنيه سليمه
أبطالنا ماهمهم بالعدد كم
لوهو تخبى في جحورن ظليمه
عدونا نسقيه طلقات مع سم
للمجرمين أهل النفوس اللئيمه
ولي عهدك كاسب الطيب والنعم
بنفسن اريحيه ونفسن كريمه
محمد ابو سلمان للشعب يهتم
نور الوطن بوسط الليالي العتيمه
** **
- خالد صالح العيادة