يومٍ بدينا: شعبها وهي لنا دار

يوم الإمام أسس وقاد المسيره

تاريخ.. نفخر به ويا حي الاسفار

في مجدها الماضي ويا حي سيره

من يومها والدار تشوق الانظار

ويا حـيّـهـا من بدّة الكون ديره

من يومها كل أرض قالت للأقدا:

(نبي مثل مجده) ولا فيه غيره

لأن السّعود اللي ولوها بالاصرار

هم من بناها في يقين وبصيره

عدّى ثلاث قرون وبكل الأدوار

من مانعٍ هم عزوته والذخيره

لسلمان واخوانه طويلين الاشبار

ومحمد الباني صروحٍ كبيره

أكرم هل العوجا مقابيس الأخطار

من ماكر صقورٍ بشبه الجزيره

اللي ولوها ثم حموها من العار

ونار الفتن اطفوا لهايب سعيره

وعقب المحل خلّوا لها القاع نوّار

وعقب العَوَزْ من فعلهم زاد خيره

ثنوا لها ما زوّدوا عندها أعذار

بحزمٍ يسد الباب عن أي حيره

يا الله عساهم من طويلين الأعمار

واعماركم يا اللي كرهتوا قصيره

** **

- طلال العراك