الموضوعات الأكثر
أسّس الدولة على عزٍ وخير
محمد بن سعود بالسيف الشطير
وانجلى وجه الضحى نصرٍ منير
واستتب الأمن والعايل خسر
وللصعب تركي تصدّى للمهام
المحنك ابن عبدالله الهمام
الإمام ابن الامام بن الامام
الجهل ظلمه على يده انكسر
وجالها معزّي على هجنٍ وخيل
قادها للحق بالسيف الصقيل
مع رجالٍ يقهرون المستحيل
افتحوا نجد العذيه بالنصر
وقادها معزّي وهلّت واسفرت
وفي ظهوره استهلت وانورت
والليال السود ولّت وادبرت
وساد عهد الخير والحق انتصر
وحكموا من بعده أبناء لهم
في سنام المجد عالي ذكرهم
الملوك اللّي تعلاّ نجمهم
كاسبين المجد وزمام الفخر
وللمسيره قادها راعي الحزم
بوفهد سلمان للعايل خزم
المواطن له تحقّق مالزم
السعودي دايمٍ فوق القمر
مع ولي العهد مخلص للعهد
سيّدي محمد له العالم شهد
كاسب الطولات والعليا بعد
صيرميٍ مايهاب من الخطر
** **
- راشد القناص