الموضوعات الأكثر
الله اللي على بيته نطوف
خالق الدنيا خلقها فانيه
نركع ونسجد ونرفع الكفوف
نحمد اللي ما خفاه الخافيه
للملك حنا بيارقنا سيوف
وللوطن وقفة أسود ضاريه
يا ولي العهد رصينا الكتوف
سمع وطاعة وأذن صاغيه
عقب بيت الطين ورواق بصوف
وعيشة ضنكه وفوضى داميه
فز أبو تركي وحنا له وقوف
وثارت الهيجا برأس حاميه
قال ما والله على الدنيا حسوف
العمر فاني وأرضي غاليه
لازمنا بالحزم نرغم أنوف
دارنا بالعز دايم باقيه
شمسنا تشرق ما فيها كسوف
نشكر الله بالعطايا الوافيه
يشهد العالم وبعينه يشوف
كيف عمرنا الصحاري الخاليه
ويكتب التاريخ أمجاده حروف
السعودي دوم راسه عاليه
** **
- سعود بن ناصر الحمدان