الموضوعات الأكثر
تلبس ثياب المعزه دارنا كل يوم
ماهوب حصراً على ذا اليوم ولا بعده
لّكن فيه نتذّكر ماضيات العلوم
يومً كلن يبّين في الحروب جهده
يوم الرخا ماضفا بشته والامن معدوم
والظلم والجوع طالت بالجزيره يده
عزالله انه حماها من طموع الخصوم
الحاكم اللي مورث مجدها لولده
ماطاعت الا لـ ابو تركي قوي العزوم
وقبايل المملكه هم درعه ومسنده
يالين صارت سوات الجدي بين النجوم
خمسة وتسعين عام ونارها موقده
والحين في ظل سلمان التطور يدوم
مليكنا اللي نبيع الروح لأجل بلده
ومحمد اللي مشمر للوطن بالكموم
ياكم جفا لأجل حلم ابلادنا مرقده؟
من الرياض البهيه لين شاطي نيوم
يسابق الوقت بالرؤية وصدق وعده
** **
- فيصل بن منيف العتيبي