يا دارنا دار الظفر دار الأبطال
دار الرجال اللي تقول وتطولي
بالمملكة حبّك بقى عبرا الأجيال
حبٍ قديم وثابتٍ ما يزولي
واليوم ننعم فيك يا خير منزال
فيك الحرم والناس وسطك تجولي
ذكرى تمر ونذكر ملوك وارجال
بقيادة اللي ما يهاب الفلولي
يوم الوطن يومٍ عزيٍز ولازال
يوم يجسد ذكريات الزحولي
عبد العزيز اللي حماها الى الجال
خلفه رجالٍ بالمعارك تهولي
ومن بعده ملوك بقت مضرب أمثال
تاريخهم محفوظ حافل بطولي
واليوم في حكم الوفي درع وظلال
يالله عسى سلمان عمره يطولي
يحفظه منهو هازم المجرم الضال
يوم ابرهه بالفيل حدّر نزولي
وولي عهده أبيض الوجه لازال
حاكم حكيم الراي ثاقب شمولي
محمد الصارم على كل محتال
للمعضله عنده علاج وحلولي
** **
عبدالكريم ابن خزيم - البكيرية